Basketbolun 3x3 növü üzrə Qadın seriyasının Klermon-Ferran mərhələsinin ilk gününün ən yaxşıları açıqlanıb.
İdman.biz xəbər verir ki, Azərbaycan millisinin basketbolçusu Aleksandra Mollenhauer də bombardirlərin siyahısında yer alıb.
İlk gündə 13 xal toplayan oyunçumuz “Top-10”da qərarlaşıb. Mollenhauer 8-ci pillədə yer alıb.
Marsedes Uolker 10 xalla 16-cı, Dina Ulyanova 8 xalla 28-ci, Tatyana Deniskina 3 xalla 43-cüdür.
Qeyd edək ki, qrupda Filippinə 22:17 hesabı ilə qalib gələn (22:17) yığmamız Niderlanda uduzub – 12:21. Komandamız 1/4 finalda Fransa ilə görüşəcək.
İdman.biz
