“Los-Anceles Leykers” basketbol klubu əfsanəvi məşqçi Fil Ceksonun heykəlini ev oyunlarını keçirdiyi arenanın qarşısında quraşdıracaq.
İdman.Biz xəbər verir ki, abidənin açılış mərasimi 2027-ci il aprelin 9-na planlaşdırılıb.
80 yaşlı Cekson 13 qat NBA çempionudur. O, iki titulu oyunçu, daha 11-ni isə məşqçi kimi qazanıb.
Mütəxəssis 1999–2004-cü illərdə və 2005–2011-ci illərdə “Leykers”ə rəhbərlik edib. Onun rəhbərliyi altında komanda beş dəfə NBA çempionu olub. Bundan əlavə, Cekson baş məşqçi kimi qələbələrin sayına görə klub rekordunu müəyyənləşdirib – 610.
O, digər altı çempionluq titulunu “Çikaqo Bullz”la qazanıb. Oyunçu karyerası ərzində Cekson “Nyu-York Niks” və hazırda “Bruklin Nets” kimi tanınan “Nyu-Cersi Nets”də çıxış edib.
