“LANDAU Lions” basketbol klubu İsmayıl Abdullayevlə müqavilənin müddətini uzadıb.
İdman.Biz xəbər verir ki, 18 yaşlı basketbolçu növbəti mövsümdə də komandanın heyətində çıxış edəcək.
190 sm boya malik Abdullayev 2 nömrə mövqeyində – atıcı müdafiəçi kimi oynayır. O, ötən mövsüm “LANDAU Lions”un heyətində gümüş medal qazanıb.
Gənc basketbolçu eyni zamanda Azərbaycan U-18 və U-20 milli komandalarının heyətində Avropa çempionatının B divizionunda çıxış edib.
Abdullayev üçün qarşıdakı mövsüm “LANDAU Lions”un heyətində ardıcıl üçüncü olacaq.
