3x3 basketbol üzrə "Neftçi SOCAR" komandası Dünya Qadın Seriyasının "Sea Breeze"də keçirilən mərhələsində 1/4 finala vəsiqə qazanıb.
İdman.Biz-in məlumatına görə, paytaxt təmsilçisi B qrupunda İspaniyanın "Arrasate Ointxe" klubunu (12:10) və Çinin "Yanjinq" kollektivini (21:13) məğlub edib.
Komandanın 1/4 finaldakı rəqibi İspaniyanın "Madrid" klubu olacaq.
Azərbaycan millisi isə Ukrayna (5:14) və Misir (7:21) yığmalarına uduzaraq mübarizəni dayandırıb.
Xatırladaq ki, 16 komandanın mübarizə apardığı turnirdə 1/4, yarımfinal və final matçları avqustun 16-da olacaq.
12:09
Bakıda keçirilən 3x3 basketbol üzrə Qadınlar Dünya Seriyasının 20-ci mərhələsinə start verilib.
İdman.Biz xəbər verir ki, “Sea Breeze”də təşkil olunan yarışda Azərbaycan millisi və Bakı təmsilçisi “Neftçi SOCAR” da iştirak edib.
A qrupunda təsnifat mərhələsindən mübarizəyə başlayan millimiz ilk görüşündə Ukrayna ilə qarşılaşıb. Komandamız 5:14 hesabı ilə məğlub olub.
Azərbaycan millisi ikinci oyununda Misirlə üz-üzə gəlib. Bu qarşılaşmada da rəqib üstün olub – 7:21.
Beləliklə, hər iki görüşdə məğlub olan Azərbaycan millisi əsas mərhələyə yüksələ bilməyib.
“Neftçi SOCAR” isə əsas mərhələdə B qrupunda İspaniyanın “Arrasate Ointxe” və Çinin “Yanjing” komandaları ilə qarşılaşacaq.
Qeyd edək ki, qruplarda ilk iki yeri tutan komandalar 1/4 finala yüksələcək. Pley-off görüşləri avqustun 16-da keçiriləcək.
09:38
Bu gün Bakıda 3x3 basketbol üzrə Dünya Qadın Seriyasının növbəti mərhələsinə start veriləcək.
İdman.Biz xəbər verir ki, 15-16 avqust tarixlərində “Sea Breeze” istirahət mərkəzində keçiriləcək turnirdə 16 milli və klub komandası mübarizə aparacaq.
Azərbaycan millisi də yarışda iştirak edəcək. Yığmamız əsas mərhələnin C qrupuna vəsiqə qazanmaq üçün təsnifat oyunlarında qüvvəsini sınayacaq.
Millimiz ilk oyununu bu gün saat 10:00-da Ukraynaya, ikinci qarşılaşmasını isə 10:50-də Misirə qarşı keçirəcək.
Azərbaycanı klub səviyyəsində təmsil edən “Neftçi SOCAR” isə əsas mərhələdə B qrupunda yer alıb. Komanda ilk görüşündə saat 15:50-də İspaniyanın “Arrasate Ointxe”, daha sonra isə 17:40-da Çinin “Yanjinq” klubu ilə qarşılaşacaq.
Qruplarda ilk iki pilləni tutan komandalar 1/4 finala vəsiqə qazanacaqlar. Turnirin 1/4 final, yarımfinal və final oyunları 16 avqustda keçiriləcək.
Qeyd edək ki, yarışın oyunlarını İdman TV və FIBA 3x3-ün rəsmi "YouTube" kanalı vasitəsilə canlı izləmək mümkündür.
