23:45
28 avqust Macarıstanda təşkil olunan 3x3 basketbol üzrə Dünya Qadın Seriyasının Debretsen mərhələsində final oyunu baş tutub.
İdman.biz xəbər verir ki, təmsilçimiz "Neftçi" final oyununda Almaniyanın "Düsseldorf Zoos" klubu ilə qarşılaşıb. Oyuna üstün başlayan "Neftçi", yekunda rəqibi üzərində 22:14 hesabı ilə qələbə qazanaraq, heç bir görüşdə məğlub olmadan Debretsen mərhələsinin qalibi olub.
Debretsen mərhələsinin ən dəyərli oyunçusu (MVP) "Neftçi" klubunun üzvü Bryana Freyzer seçilib. Bu çempionluq ilə "Neftçi", Dünya Qadın Seriyasında 4-cü dəfə mərhələ qalibi olub.
----------
22:51
28 avqust Macarıstanda təşkil olunan 3x3 basketbol üzrə Dünya Qadın Seriyasının Debretsen mərhələsində yarımfinal oyunları yekunlaşıb.
İdman.biz xəbər verir ki, təmsilçimiz "Neftçi" yarımfinal oyununda ev sahibi Macarıstan millisi ilə qarşılaşıb və rəqibi üzərində 22:14 hesabı ilə qələbə qazanaraq, finala yüksəlib. "Neftçi" nin finalda rəqibi Almaniyanın "Düsseldorf Zoos" klubu olacaq.
Qarşılaşma Bakı vaxtı ilə 23:25-də başlayacaq.
-----------
21:50
Macarıstanda təşkil olunan 3x3 basketbol üzrə Dünya Qadın Seriyasının Debretsen mərhələsində ikinci günün oyunları davam edir.
İdman.biz saytı xəbər verir ki, turnirə ölkəmizi təmsil edən "Neftçi" 1/4 final oyununda qələbə qazanıb.
Macarıstanın "Qyor" klubu ilə üz-üzə gələn "Neftçi" rəqibini 20-18 hesabı ilə məğlub edib. Əlavə vaxtda uğur qazanan basketbolçularımız yarımfinala vəsiqə qazanıblar.
Qeyd edək ki, "Neftçi" nin yarımfinaldakı rəqibi Macarıstan - Avstriya oyununun qalibi olacaq.
İdman.biz
