Azərbaycan əsilli rusiyalı keçmiş futbolçu Aleksandr Səmədov “Qarabağ”ın Çempionlar Liqasındakı çıxışını izləyir və Lissabonda qazandıqları uğuru böyük qələbə hesab edir.
Bu barədə İdman.biz-ə açıqlamasında Rusiya millisinin sabiq futbolçusu Səmədov deyib.
"Bu, Çempionlar Liqasında böyük qələbədir. Düzünü desəm, “Qarabağ”a təkcə bu qələbə prizmasından baxmazdım. Bilirəm ki, onlar Avropada əla çıxış edən çox yaxşı komandadır.
Ağdam təmsilçisinin səfərdə 0:1 hesabı ilə uduzduğu, lakin oyunun gedişində dönüşü və 3:1 hesablı qələbə qazandığı “Ferentsvaros”la oyununa da baxdım. Yəni, onlar keyfiyyətli əcnəbi oyunçulara malik əla komandadırlar. Düşünürəm ki, komandanın böyük gələcəyi var”, - Səmədov bildirib.
Xatırladaq ki, “Qarabağ” Çempionlar Liqasının qrup mərhələsinin ilk oyununda səfərdə Portuqaliyanın “Benfika”sına 3:2 hesabı ilə qalib gəlib. Növbəti oyun günündə Qurban Qurbanovun yetirmələri oktyabrın 1-də Bakıda Danimarkanın “Kopenhagen” klubu ilə qarşılaşacaq.
Teymur Tuşiyev
