Azərbaycanlı hücumçu Musa Qurbanlı İsveç kubokunda ikinci oyununu keçirib.
İdman.biz xəbər verir ki, onun komandası səfərdə “Yunayted Nordik”ə böyük hesabla qalib gəlib.
İlk oyunda “Şkovde”ni 2:0 məğlub edən “Yurqorden” bu dəfə rəqib qapısından 5 cavabsız top keçirib. Oyuna ehtiyatda başlayan Qurbanlı meydana 72-ci dəqiqədə daxil olub.
Bu qələbədən sonra “Yurqorden” 1-ci pillədə qərarlaşıb. Qurbanlının komandası kimi, "Göteborq"un da 6 xalı var. Tərəflər son turda qrup qalibini müəyyənləşdirəcəklər. Kubokun reqlamentinə görə, 1-ci yeri tutan 1/4 finala yüksələcək.
Qeyd edək ki, “Yurqorden” - “Göteborq” matçı martın 3-də baş tutacaq.
İdman.biz
