“Qarabağ” Misli Premyer Liqasının səkkizinci turunda “Neftçi” ilə qarşılaşmaya üç futbolçusunun köməyi olmadan çıxacaq.
İdman.Biz-ə klubun mətbuat xidmətindən verilən məlumata görə, zədə səbəbindən Dieqo Rosa, Elvin Cəfərquliyev və İsmael Toafek qarşıdakı görüşdə iştirak edə bilməyəcəklər.
Bildirilib ki, futbolçular hazırda müalicə-bərpa prosesi keçirlər.
Qeyd edək ki, “Qarabağ” – “Neftçi” qarşılaşması oktyabrın 17-də Tofiq Bəhramov adına Respublika stadionunda keçiriləcək. Görüş saat 19:00-da başlayacaq.
