“Qarşıdakı oyunlara hazırıq”.
Bunu “Qarabağ”ın futbolçusu Dieqo Roşa futbolinfo.az-a müsahibəsində deyib.
Həmin müsahibəni təqdim edirik.
– Milli komandaların oyunları ilə əlaqədar yaranan fasilədən necə istifadə etdiniz?
– Bu müddətdə ailəmlə birlikdə dincəlmək üçün yararlandım.
– “Qarabağ” qarşıdakı oyunlara hazırdırmı? Komandada ümumi vəziyyət necədir?
– Qarşıdakı oyunlara hazırıq. Yaxşı nəticələr əldə etmək üçün əlimizdən gələni edirik.
– Komandanın bu mövsümə qədərki çıxışını necə qiymətləndirirsiniz?
– Komandaya yaxın zamanda qoşulmuşam, amma görürəm ki, kollektiv yaxşı uyğunlaşır və zirvədə qalmaq üçün çox yaxşı çıxış edir.
– Azərbaycana yaxşı uyğunlaşırsınız? Hər hansı çətinliklə qarşılaşmısınız?
– Yeni ölkəyə uyğunlaşmaq hər zaman müəyyən çətinliklər yaradır, amma mən Azərbaycana yaxşı uyğunlaşıram.
– Çempionatımız və ümumilikdə Azərbaycan futbolu haqqında nə düşünürsünüz?
– Çempionat çətindir və burada keyfiyyətli komandalar var.
– Azərbaycan millisinin oyunlarını izləmək imkanınız olub?
– Xeyr.
– Azərbaycana gəlişinizdən əvvəl sizinlə bağlı çoxlu xəbərlər və şərhlər var idi. Gəlişiniz niyə bu qədər gecikdi?
– Bunu dəqiq deyə bilmərəm. Danışıqları agentim aparır, mən isə daha çox futbol tərəfinə fokuslanıram.
