Portuqaliyanın Leiria şəhərində keçirilən Avropa Atmalar Kuboku başa çatıb.
İdman.biz xəbər verir ki, çəkicatma yarışlarında ölkəmizi təmsil edən Hanna Skidan turniri 4-cü pillədə başa vurub.
Azərbaycanlı atlet 70,43 metrlik nəticə göstərib. Skidan 3-cü pillədə qərarlaşan Sara Fantinidən (İtaliya) 0,15 m geri qalıb.
Qeyd edək ki, Hanna Paris-2024 Yay Olimpiya Oyunlarına lisenziya qazanıb.
İdman.biz
