Güləş məşqçilərinin Ümumrespublika seminarı davam edir.
İdman.biz xəbər verir ki, seminarın növbəti mərhələsi bu gün Qobustan şəhərində keçirilib.
Tədbirdə İsmayıllı, Ağsu, Qobustan və Şamaxı rayonlarında fəaliyyət göstərən güləş üzrə məşqçi-müəllimlər iştirak edib.
Seminarın nəzəri hissəsi Qobustan Gənclər Evində baş tutub. Dağlıq Şirvan Regional Gənclər və İdman İdarəsinin Qobustan üzrə sektor müdiri Qadir Əkbərov seminarın önəmindən danışıb və buna görə Azərbaycan Güləş Federasiyasına (AGF) təşəkkürünü bildirib.
AGF Hakimlər Kollegiyasının sədri Qərib Əliyev federasiyanın həyata keçirdiyi layihələrdən, güləş qaydalarından və qayda pozuntularından danışıb. Qadın güləşi üzrə yeniyetmə və gənclərdən ibarət millinin məşqçisi Həsrət Məmmədyarov və yunan-Roma güləşi üzrə U-17 millinin məşqçisi Elbrus Məmmədov yerli məşqçilərə öz tövsiyələrini çatdırıblar. Bu seminarda da azyaşlı idmançıların çox çəki salmasının fəsadları qabardılıb. I-S kateqoriyalı referi Sədi Quliyev video nümayişi fonunda edilən fəndlərin qiymətləndirilməsinə toxunub.
Seminarın praktiki hissəsi isə Qobustan Uşaq Gənclər İdman Məktəbinin güləş zalında keçirilib. Məmmədyarov sərbəst, Məmmədov isə yunan-Roma güləşi üzrə müxtəlif fəndlərin dəqiq icrasını nümayiş etdirib.
Qeyd edək ki, güləş məşqçilərinin Ümumrespublika seminarının növbəti mərhələsi noyabrın 26-da Qazax şəhərində keçiriləcək.
İdman.biz
Mövzu üzrə digər xəbərlər
Sərbəst güləşçilərimiz dünya çempionatına Göygöldə hazırlaşacaqlar
Göygöl toplanışına müxtəlif çəki dərəcələrində 19 güləşçi dəvət olunub
Hacı Əliyev ABŞ-nin peşəkar liqasında ikinci görüşünə çıxacaq
Titul sahibi azərbaycanlı güləşçinin rəqibi ABŞ-dən olan təcrübəli idmançı olacaq
Azərbaycan millisı Dünya Seriyasının finalına hazırlaşır
Millinin hazırlıqları Güləş Federasiyasının təlim-məşq bazasında keçir
Azərbaycanlı güləş referisi: “Daha üst dərəcələri əldə etmək istəyirəm”
Samil Fəttayev ikinci kateqoriyaya yüksəlməsindən və gələcək hədəflərindən danışıb
Yunan-Roma güləşçilərimizin növbəti hazırlıq planı məlum olub
Milli komanda iki dünya çempionatına hazırlıq məqsədilə toplanış keçirəcək
Güləş hakimlərimiz kateqoriyalarını yüksəldiblər
Samil Fəttayev ikinci, Nihad Muradov isə üçüncü dərəcəli beynəlxalq hakim oldu
Biləsuvarda U-15 güləşçilərinin turniri keçirilib - FOTO/VİDEO
330-dan artıq idmançının qatıldığı yarışda 20 çempion müəyyənləşib