İngiltərə Premyer Liqası təmsilçisi "Lester" yeni baş məşqçisinin adını açıqlayıb.
İdman.biz xəbər verir ki, komandaya Ruud van Nistelroy rəhbərlik edəcək.
Niderlandlı mütəxəssislə 2027-ci il iyunun sonuna kimi müqavilə imzalanıb. O, bu vəzifədə az əvvəl istefaya göndərilmiş Stiven Kuperi əvəzləyib. Nistelroy klubun rəsmi saytına verdiyi açıqlamada komanda ilə əməkdaşlıqdan fəxr hissi keçirdiyini deyib.
Qeyd edək ki, 48 yaşlı mütəxəssis mövsümə "Mançester Yunayted"də köməkçi-məşqçi vəzifəsində start verib. Erik ten Haaq Mançester klubundan qovulduqdan sonra Nistelroy baş məşqçi vəzifəsini icra edib.
İdman.biz
