"Roma" baş məşqçi İvan Yuriçlə yollarını ayırıb.
İdman.biz xəbər verir ki, xorvatiyalı mütəxəssis paytaxt klubunda cəmi 2 ay işləyə bilib.
A Seriyasının 12-ci turunda öz meydanında "Bolonya"ya 2:3 hesablı məğlubiyyət Yuriçin istefaya göndərilməsi ilə nəticələnib. "Canavarlar" onun rəhbərliyi ilə bütün turnirlərdə 4 qələbə qazanıb, 3 dəfə heç-heçə oynayıb, 5 dəfə uduzub. Komanda A Seriyasında 13 xalla turnir cədvəlinin 12-ci pilləsində qərarlaşıb.
Qeyd edək ki, 49 yaşlı mütəxəssis sentyabrın ortasında "Roma"ya baş məşqçi təyin olunmuşdu. O, bu vəzifədə Daniele De Rossini əvəzləmişdi.
İdman.biz
