Almaniyanın “Bavariya” futbol klubunun baş məşqçisi Vensan Kompani klubun bazasına qayıdıb.
İdman.Biz xəbər verir ki, bu barədə Almaniyanın TZ nəşri məlumat yayıb.
Mənbənin məlumatına görə, mütəxəssis noyabrın 10-da uzun fasilədən sonra komandanın düşərgəsinə gəlib. Daha əvvəl klubda baş məşqçinin beynəlxalq fasilədən sonra qayıdacağının gözlənildiyini bildirmişdilər.
Qeyd edək ki, “Bavariya” Almaniya çempionatında doqquzuncu turdan sonra 21 xalla turnir cədvəlinə başçılıq edir. Dortmund “Borussiya”sı da eyni xala malikdir və əlavə göstəricilərə görə ikinci pillədə qərarlaşıb.
