“Yuventus” argentinalı futbolçusu ilə uzunmüddətli müqavilə imzaladı

İtaliyanın “Yuventus” klubu argentinalı futbolçusu Nikolas Qonsaleslə müqavilənin müddətini uzadıb.

İdman.Biz Turin təmsilçisinin rəsmi saytına istinadən xəbər verir ki, tərəflər arasında yeni saziş 2030-cu ilin yayına qədər qüvvədə olacaq.

Qonsales 2024-cü ilin avqustunda “Fiorentina”dan icarə əsasında “Yuventus”a keçib. Bir il sonra Turin klubu onun transfer hüquqlarını tam əldə edib.

Argentinalı futbolçu “Yuventus”un heyətində bütün turnirlərdə 45 matça çıxıb, yeddi qol vurub və beş məhsuldar ötürmə edib.

Qeyd edək ki, Qonsales peşəkar karyerasına Argentinanın “Argentinos Juniors” klubunda başlayıb. Daha sonra Almaniyanın “Ştutqart” və İtaliyanın “Fiorentina” komandalarında çıxış edib.