“Liverpul”un futbolçusu Blekli Barkola Fransanın Belçika üzərində 1:0 hesablı qələbəsi zamanı təyin olunmayan penalti ilə bağlı fikirlərini bölüşüb.
İdman.Biz xəbər verir ki, Barkola cərimə meydançasında Natan Ngoy ilə yaşanan təmasın penalti ilə nəticələnməli olduğunu düşünür.
Futbolçu açıqlamasında deyib:
“Bu haqda danışsam, yəqin ki, başım bəlaya girəcək, amma düşündüklərimi deməliyəm. Təması hiss etdim. Cərimə meydançasının daxilində idim və hücumu davam etdirməyə çalışırdım”.
Barkola qərarın oyunun nəticəsinə təsir edə biləcəyini vurğulayıb:
“Məni ən çox məyus edən şey odur ki, bu cür qərarlar oyunun taleyini dəyişə bilər... Ehtimal ki, bunu dediyim üçün cərimələnəcəyəm, amma səmimi desəm, mən bunun penalti olduğunu düşündüm”.
Hakim təmasın çiyin-çiyinə mübarizə olduğunu bildirsə də, təkrar görüntülərdə Ngoyun zərbə endirməyə hazırlaşan Barkolanı itələdiyi əks olunub.
“Liverpul”un futbolçusu hakimliyi ümumi şəkildə tənqid etmədiyini, sadəcə qərarlarda ardıcıllığın vacib olduğunu bildirib:
“Təmas varsa və bu hücumçuya təsir edirsə, ən azından gedib bir daha baxsınlar”.
