Portuqaliya millisinin baş məşqçisi Jorje Jezuş komanda daxilində Kriştianu Ronaldu ilə bağlı fikir ayrılığı yarandığı barədə iddialara münasibət bildirib.
İdman.Biz xəbər verir ki, Jezuş Ronaldu ilə etdiyi söhbətin mahiyyətini də açıqlayıb:
“Portuqaliya mətbuatı faktiki olaraq məni Kriştianu ilə heç bir vəziyyətin olmadığı bir vəziyyət haqqında danışmağa məcbur etdi. Mən ona dedim: “Portuqaliyada bu barədə o qədər çox danışırlar ki, mən hətta nə baş verdiyini anlamıram”. Lakin müzakirə olunacaq heç nə yox idi.
Kriştianu mənə dedi: “Mən buradayam ki, siz qərar verəsiniz. Əgər oynamağımı istəyirsinizsə, oynayacağam. Əgər oynamağımı istəmirsinizsə, oynamayacağam. Əgər məni tribunaya göndərmək istəyirsinizsə, tribunaya gedəcəyəm”.
Biz hər şeyi şam yeməyindən sonra artıq yoluna qoyduq. Problem hətta problem də deyildi”, – deyə Jezuş mətbuat konfransında bildirib.
Qeyd edək ki, sentyabrın 27-də Millətlər Liqasında Norveçlə keçirilən və Portuqaliyanın 2:1 hesablı qələbəsi ilə başa çatan matçda Ronaldunun ehtiyatda qalmasından sonra onunla baş məşqçi arasında narazılıq olması ilə bağlı söhbətlər yayılıb.
