İngiltərə çempionu “Arsenal” futbol klubu komandanın baş məşqçisi Mikel Arteta ilə yeni müqavilə imzalayacaq.
İdman.biz BBC Sport-a istinadən xəbər verir ki, ispaniyalı mütəxəssisin London klubu ilə hazırkı sözləşməsinin müddəti mövsümün sonunda başa çatır. Tərəflər arasında yeni müqavilə ilə bağlı danışıqlar bir neçə aydır davam edir.
Artetanın “Arsenal”la yekun razılığa gəldiyi bildirilir. Yeni müqavilənin müddəti hələ açıqlanmayıb. Lakin anlaşmanın 2019-cu ilin dekabrından komandaya rəhbərlik edən mütəxəssisin klubdakı fəaliyyətini ən azı 10-cu ilə qədər davam etdirməsinə imkan verəcəyi gözlənilir.
Yeni sözləşməyə əsasən Artetanın maaşının da əhəmiyyətli dərəcədə artırılacağı gözlənilir. Hazırda onun illik qazancı 10 milyon funt-sterlinq təşkil edir. Bu məbləğ bonuslarla birlikdə 15 milyon funt-sterlinqə çata bilər.
Qeyd edək ki, Arteta 2019-cu ilin dekabrından “Arsenal”a rəhbərlik edir.
