İspaniyanın “Barselona” futbol klubu Rafinya ilə yeni müqavilənin şərtlərini razılaşdırıb.
İdman.Biz xəbər verir ki, bu barədə tanınmış insayder Fabrizio Romano sosial şəbəkə hesabında məlumat yayıb.
Məlumata görə, yeni müqavilə 2030-cu ilin iyun ayına qədər qüvvədə olacaq. “Barselona”nın idman direktoru Deko da futbolçu ilə prinsipial razılığın əldə olunduğunu təsdiqləyib və yeni sözləşmənin yaxın vaxtlarda imzalanacağını bildirib.
Rafinya 2022-ci ildən “Barselona”da çıxış edir. Onun klubla hazırkı müqaviləsi 2028-ci ilin yayına qədərdir. “Transfermarkt”a görə, 29 yaşlı futbolçunun bazar dəyəri 70 milyon avrodur.
