İstanbulun “Fənərbağça” futbol klubu Anderson Taliska ilə yollarını ayırıb.
İdman.Biz xəbər verir ki, xarici futbolçu limiti səbəbindən komandadan ayrılan 32 yaşlı braziliyalı yarımmüdafiəçi Birləşmiş Ərəb Əmirliklərinin “Əl-Cəzirə” klubu ilə razılığa gəlib.
Taliska yeni komandası ilə iki illik müqavilə imzalamaq üçün BƏƏ-yə yollanıb. O, İstanbuldan ayrılmadan əvvəl son məşqdə komanda yoldaşları ilə vidalaşıb.
Braziliyalı futbolçunun “Fənərbağça”dan ayrılmaq istəməyib. “Takvim”in məlumatına görə, Taliska yaxın ətrafına İstanbul klubundan zorla göndərildiyini deyib.
Qeyd edək ki, Taliska 2024/2025 mövsümünün qış fasiləsində “Fənərbağça”ya keçib. O, İstanbul təmsilçisinin heyətində 75 oyuna çıxıb, 44 qol vurub və 7 məhsuldar ötürmə edib.
