İngiltərənin “Arsenal” futbol klubu yay transfer pəncərəsində Xulian Alvaresin keçidini reallaşdıra bilmədikdən sonra hücum xəttində ciddi seçim problemi ilə üzləşib.
İdman.Biz xəbər verir ki, London klubunun əsas hədəflərindən biri “Atletiko Madrid”in argentinalı hücumçusu olub. Lakin Madrid təmsilçisinin Alvaresi satmaqdan imtina etməsi transferin baş tutmasına imkan verməyib.
“Arsenal” yayda heyətin digər mövqelərini gücləndirib. Bruno Gimaraynş, Ezri Konsa, Pyero Hinkapi və Kristos Tzolis kimi futbolçular komandaya qoşulublar. Bununla belə, Mikel Artetanın sərəncamına yüksək səviyyəli yeni mərkəz hücumçusu əlavə olunmayıb.
Əsas sual Viktor Dyökeresin üzərində yaranıb. İsveçli hücumçu ötən mövsüm “Arsenal”ın əsas qol silahlarından olsa da, London klubunun bütün mövsüm ərzində yalnız onun üzərinə güvənməsinin riskli olduğu düşünülür.
Qabriel Jezusun “Barselona”ya keçməsi Artetanın hücum xəttində seçimlərini daha da azaldıb. Kay Haverts müxtəlif mövqelərdə çıxış edə bilsə də, almaniyalı futbolçu klassik “9 nömrə” kimi Dyökeresə birbaşa alternativ hesab edilmir.
“Arsenal”ın cinahlarda Bukayo Saka, Qabriel Martinelli və Kristos Tzolis kimi seçimləri var. Lakin komandanın əsas problemlərindən biri rəqib cərimə meydançasında yüksək səviyyəli ikinci qolçunun olmamasıdır.
Alvaresin transferi bu problemi həll edə bilərdi. Argentina millisinin hücumçusu həm mərkəz forvardı, həm də hücum xəttinin digər mövqelərində oynamaq bacarığı ilə Artetanın sisteminə uyğun variant hesab olunurdu.
“Arsenal” son illərdə Premyer Liqa və Çempionlar Liqasında ən yüksək hədəflər uğrunda mübarizə aparır. Buna görə də uzun mövsüm ərzində Dyökeresin zədələnməsi və ya formasının aşağı düşməsi London klubunun ən ciddi risklərindən biri hesab olunur.
Yeni transfer pəncərəsinədək Arteta mövcud hücum potensialından maksimum istifadə etməli olacaq.
