Təbrizin “Traktor” futbol komandası ölkə çempionatında növbəti qələbəsini qazanıb.
İdman.Biz xəbər verir ki, Təbriz təmsilçisi səfərdə “Sepahan”la qarşılaşıb və rəqibini 2:0 hesabı ilə məğlub edib.
Görüşdə hər iki qolu Amirhüseyn Hüseynzadə vurub. İran millisinin hücumçusu 83-cü dəqiqədə hesabı açıb, 90+3-cü dəqiqədə isə ikinci dəfə fərqlənərək matçın yekun nəticəsini müəyyənləşdirib.
Beləliklə, “Traktor” İran çempionatında keçirdiyi iki oyundan sonra 6 xal toplayıb. Təbriz klubu turnir cədvəlində lider “İstiqlal”la eyni xala malikdir.
