Bəzi “Çelsi” azarkeşləri yarımmüdafiəçi Enso Fernandesin adı London komandasının “Stemford Bridc” stadionunda “Real Sosyedad” ilə yoldaşlıq oyunu öncəsi səsgücləndirici ilə açıqlanması zamanı onu fitə basıblar.
İdman.Biz bildirir ki, matç 3:1 hesabı ilə “Çelsi”nin xeyrinə qurtarıb.
Daha əvvəl mediada "Mançester Siti"nin Fernandeslə maraqlandığı bildirilirdi. "Şəhərlilər" argentinalı futbolçu üçün 120 milyon avro təklif etsələr də, "Çelsi" onun satışından 140 milyon avro istəyir.
Fernandez 2023-cü ilin yanvar ayından bəri London klubunda oynayır. Onun klubla hazırkı müqaviləsi 2032-ci ilin yayına qədərdir. Transfermarkt-dakı məlumata görə, onun bazar dəyəri 100 milyon avrodur.
