Londonun "Arsenal" və İstanbulun "Qalatasaray" komandaları Türkiyə klubunun hücumçusu Viktor Osimhenin mümkün transferini müzakirə ediblər.
İdman.Biz bu barədə "The Telegraph" qəzetinə istinadən məlumat verir.
Nəşrin məlumatına görə, "Arsenal"ın oyunçusu Qabriel Martinellinin İstanbul klubuna potensial transferi ilə bağlı danışıqlar zamanı tərəflər nigeriyalı hücumçunu müzakirə ediblər. Lakin Premyer Liqa çempionunun hücumçunu transfer etməyə çalışıb-çalışmayacağı məlum deyil.
Ötən mövsüm 27 yaşlı futbolçu bütün yarışlarda 33 oyunda iştirak edib, 22 qol vurub və səkkiz məhsuldar ötürmə edib. Viktor 31 iyul 2025-ci ildə "Qalatasaray"a daimi olaraq qoşulub və dörd illik müqavilə imzalayıb. Transfer haqqı Türkiyə Superliqası üçün rekord olan 75 milyon avro olub.
