“Marsel”in və Danimarka millisinin yarımmüdafiəçisi Pyer-Emil Höybyerq "Nyukasl Yunayted"ə keçməkdən imtina edib.
İdman.Biz bu barədə jurnalist və insayder Fabrizio Romanoya istinadən məlumat verir.
Mənbənin məlumatına görə, klublar arasında danışıqlar inkişaf mərhələsindədir və ingilis klubu oyunçu üçün Provans klubunun istədiyi qiyməti ödəməyə hazırdır, lakin danimarkalı futbolçunun özü "Sağsağanlar"a qoşulmaq istəmir.
Pyer-Emil Höybyerq Danimarka futbol sisteminin yetirməsidir. O, "Bavariya", "Auqsburq", "Şalke 04", "Tottenhem Hotspur" və "Sauthempton" kimi yüksək səviyyəli komandalarda oynayıb. O, 2024-cü ilin yayında "Tottenhem"dən icarə əsasında "Marsel"ə keçib və ötən yay yarımmüdafiəçi Provans klubu ilə 2028-ci ilin yayına qədər daimi müqavilə imzalayıb.
