“Milan”, Fabio Kapellonun məşqçisi olduğu “qırmızı-qaralar”ın İtaliya çempionluğunu qazandığı 1992/93 mövsümündən bəri ilk dəfə A Seriyasında ardıcıl 20 oyunda məğlub olmayıb.
İdman.Biz bildirir ki, bu barədə OptaPaolo məlumat verib.
Massimiliano Alleqrinin komandası yeddi oyunda heç-heçə edib və 13-də qalib gəlib. 1990-cı illərin məğlubiyyətsiz seriyasını təkrarlamaq üçün Milan növbəti üç oyunda məğlub olmamalıdır. “Rossoneri” “Roma” (25 yanvar), “Bolonya” (3 fevral) və “Komo” (8 fevral) ilə qarşılaşacaq.
“Milan” hazırda 21 oyundan 46 xal toplayıb və turnir cədvəlində ikinci yerdədir. “İnter” liqaya 49 xalla başçılıq edir.
