Bu gün “Mançester Yunayted”in baş məşqçisi vəzifəsindən kənarlaşdırılan məşqçi Ruben Amorim əmək müqaviləsinin vaxtından əvvəl ləğv edilməsinə görə ciddi kompensasiya alacaq.
İdman.Biz bu barədə talkSPORT-a istinadən məlumat verir.
Məşqçi 2024-cü ilin noyabr ayından “qırmızı şeytanlar”da çalışıb; o, 2026-cı ilin yanvar ayında komandadan ayrılıb və müqaviləsi gələn mövsümün sonuna qədər qüvvədə idi.
2024-cü ilin noyabr ayında “qırmızı şeytanlar” “Sportinq”ə 9,6 milyon funt sterlinq təzminat ödəyib. Amorimin müqaviləsi ildə 6,7 milyon funt sterlinq olaraq müəyyən edilib. Məşqçi “Mançester Yunayted”də olduğu müddətdə artıq 7,8 milyon funt sterlinq qazanıb və o, 10,05 milyon funt sterlinq təzminat alacaq. “Mançester Yunayted” Amorimin rəhbərliyi altında transferlərə təxminən 250 milyon funt sterlinq xərcləyib.
“Mançester Yunayted” hazırda Premyer Liqa turnir cədvəlində altıncı yerdədir.
