“Tottenhem Hotspur” rəsmi saytında “Vilyarreal”dan icarəyə götürülmüş qanad oyunçusu Manor Solomonun geri çağırıldığını açıqlayıb.
İdman.Biz xəbər verir ki, İsrail millisinin üzvü cari mövsümün sonuna qədər “Fiorentina”da oynayacaq və orada da icarə əsasında çıxış edəcək.
2025/2026 mövsümünün ilk yarısında Solomon “Vilyarreal”da 11 oyunda iştirak edib və bir qol vurub.
Hücumçu 2023-cü ilin yayında London klubuna azad agent kimi qoşulub. Bu müddət ərzində Solomon altı oyunda meydana çıxıb və iki məhsuldar ötürmə edib. Onun “Tottenhem”lə hazırkı müqaviləsi 2026-cı ilin yayına qədərdir.
Transfermarkt portalındakı məlumata görə, onun bazar dəyəri 9 milyon avrodur.
