“Mançester Siti”nin hücumçusu Erlinq Holand 2025/26 mövsümündə 19 qol vurub ki, bu da “Nottingem Forest” (18) və “Vulverhempton Uonderers”in (11) qollarından çoxdur.
İdman.Biz bu barədə "WhoScored” analitik saytına istinadən bildirir.
Holand bu mövsüm bütün yarışlarda 24 oyun keçirib, 25 qol vurub və dörd məhsuldar ötürmə edib. Transfermarkt-ın məlumatına görə, onun dəyəri 200 milyon avrodur.
19 oyundan sonra “Mançester Siti” 41 xalla Premyer Liqa turnir cədvəlində ikinci yerdədir və lider “Arsenal”dan dörd xal geri qalır. Növbəti, 20-ci oyun günündə “şəhərlilər” “Çelsi”ni qəbul edəcək. Oyun 4 yanvarda keçiriləcək.
