“Barselona”nın qapıçı Mark-Andre ter Stegenin şərtlər ən əlverişli olmasa belə, onu başqa komandaya göndərməyə hazırdır.
İdman.Biz Sport.es-ə istinadən xəbər verir ki, “Jirona” hazırda 33 yaşlı qapıçı ilə maraqlanır.
Mənbəyə görə, “blauqrana” cari mövsüm üçün maaşının təxminən dörddə birini ödəyə bilsə, ter Stegeni “Jirona”ya icarəyə verməyə hazırdır.
Qapıçının özünün “Barselona”dan ayrılmaq istəmədiyi vurğulanır. Ailə səbəblərinə görə ter Stegen Kataloniyada qalmaq istəyir. Buna görə də “Jirona”ya keçmək ən çox ehtimal olunan seçimdir.
Alman qapıçı 2014-cü ildən bəri “blauqrana”da oynayır. Bu müddət ərzində ter Stegen bütün yarışlarda 423 oyunda meydana çıxıb və 176 dəfə qapısını toxunulmaz saxlayıb. Oyunçunun klubla hazırkı müqaviləsi 2028-ci ilin yayına qədərdir.
Transfermarkt portalında verilən məlumata görə, oyunçunun bazar dəyəri 7 milyon avrodur.
