İspaniya La Liqasının 17-ci turunun “Atletik Bilbao” və “Espanyol” komandaları arasında keçirilən oyun başa çatıb.
İdman.Biz bildirir ki, Bilbaodakı “San Mamés Barria” stadionunda keçirilən oyun qonaq komandanın 2:1 hesablı qələbəsi ilə başa çatıb.
Oyunun ilk qolunu meydan sahibi komandanın hücumçusu Aleks Berenger 38-ci dəqiqədə vurub. Birinci hissənin sonunda, 44-cü dəqiqədə Kataloniya klubunun müdafiəçisi Karlos Romero hesabı bərabərləşdirib. İkinci hissədə hücumçu Pere Milla 52-ci dəqiqədə vurduğu qolla “Espanyol”a üstünlük qazandırıb.
Bu oyundan sonra “Espanyol” İspaniya yüksək divizionunda 33 xalla beşinci, “Atletik Bilbao” isə 23 xalla səkkizinci yerdədir.
