İngiltərə Premyer Liqasının 17-ci turunda “Nyukasl Yunayted” və “Çelsi” arasında keçirilən oyun başa çatıb.
İdman.Biz bildirir ki, komandalar “St. James' Park” stadionunda (Nyukasl-apon-Tayn) oynayıblar. Oyun 2:2 hesablı heç-heçə ilə başa çatıb.
“Nyukasl”ın hücumçusu Nik Voltemade hesabı dördüncü dəqiqədə açıb. 20-ci dəqiqədə Voltemade ikinci qolunu vurub. İkinci hissənin 49-cu dəqiqəsində “Çelsi”nin müdafiəçisi Ris Ceyms cərimə zərbəsi ilə komandasının fərqini azaldıb. Qonaq hücumçu Joao Pedro 66-cı dəqiqədə hesabı bərabərləşdirib.
17 oyundan sonra “Çelsi” Premyer Liqanın turnir cədvəlində dördüncü yerdədir. Londonluların 29 xalı var. 23 xalla “Nyukasl” Premyer Liqanın turnir cədvəlində 11-ci yerdədir.
