Fransalı baş məşqçi Zinəddin Zidan son şayiələrə baxmayaraq, “Real Madrid”ə qayıtmayacaq.
İdman.Biz xəbər verir ki, 53 yaşlı mütəxəssis diqqətini Fransa milli komandasını idarə etməyə yönəldib. Çünki komandanın hazırkı baş məşqçisi Didye Deşam 2026-cı il Dünya Çempionatından sonra istefa verəcək.
Bu barədə jurnalist Fabrizio Romano özünün X sosial media səhifəsində məlumat verib.
Mənbənin sözlərinə görə, Zidan hələ Fransa Futbol Federasiyası (FFF) ilə müqavilə imzalamayıb, lakin belə bir əməkdaşlıq üçün aydın bir plan var.
Fransalı mütəxəssis 2016-cı ildən 2018-ci ilə qədər və 2019-cu ildən 2021-ci ilə qədər “Real”ın baş məşqçisi olub. Onun rəhbərliyi altında "Kral klubu" üç dəfə Çempionlar Liqasının qalibi olub.
