İngiltərə Premyer Liqasının 16-cı turunun son oyunu “Mançester Yunayted” və “Bornmut” arasında olub.
İdman.Biz bildirir ki, oyun Mançester şəhərindəki “Old Trafford” stadionunda baş tutub və 4:4 hesablı heç-heçə ilə yekunlaşıb.
Oyunun ilk qolunu meydan sahiblərinin hücumçusu Amad Diallo 13-cü dəqiqədə vurub. Qonaqların hücumçusu Antuan Semenyo 40-cı dəqiqədə hesabı bərabərləşdirib. Birinci hissənin sonlarında yarımmüdafiəçi Kazemiro 45+4-cü dəqiqədə “Mançester Yunayted”i irəli çıxarıb. İkinci hissədə Evanilson 46-cı dəqiqədə hesabı bərabərləşdirib. Yarımmüdafiəçi Markus Tavernye 52-ci dəqiqədə “Bornmut”u irəli çıxarıb. “Qırmızı şeytanlar”dan Brunu Fernandeş 77-ci dəqiqədə, iki dəqiqə sonra isə Mateuş Kunya fərqləniblər. 84-cü dəqiqədə qonaqların hücumçusu Eli Krupi hesabı 4:4 edib.
16 oyundan sonra “Mançester Yunayted” 26 xalla Premyer Liqa turnir cədvəlində səkkizinci yerdədir. “Bornmut” 21 xalla 13-cü yerdədir.
