“Əl-İttihad”ın 37 yaşlı fransız hücumçusu Kərim Benzema məşqçilik karyerasını davam etdirmək perspektivindən danışıb.
İdman.Biz xəbər verir ki, bu mövsüm Benzema klubun heyətində bütün yarışlarda doqquz oyunda iştirak edib və beş qol vurub.
“Bilmirəm. Artıq məşqçilik edən dostlarım var və onlar tez-tez mənimlə bu barədə danışırlar, amma bu, çətin seçimdir. Futbolçu və məşqçi olmaq iki fərqli şeydir, amma təzyiq eynidir”, - Footmercato Benzemadan sitat gətirir.
Onun Səudiyyə Ərəbistanı klubu ilə müqaviləsi 30 iyun 2026-cı ilə qədərdir. O, əvvəllər “Lion”, “Real Madrid” və Fransa milli komandasında oynayıb.
