“Liverpul”un müdafiəçisi İbrahima Konate “mersisaydlılar”la mümkün müqavilənin uzadılması barədə danışıb.
İdman.Biz bildirir ki, fransız futbolçunun hazırkı müqaviləsi 2026-cı ilin yayında başa çatır.
“Son vaxtlar mətbuatda çoxlu xəbərlər gördüm, məsələn, “Liverpul”un mənə yeni təklif etməsi barədə. Bunun haradan gəldiyini bilmirəm. Agentlərim hələ də “Liverpul”la danışıqlar aparırlar və ümid edirəm ki, qərarım çox tezliklə veriləcək və bunu elan edə bilərəm”, - “Footmercato” Konatedən sitat gətirir.
Konate 2021-ci ilin yayından bəri “Liverpul”da oynayır. Fransız futbolçu əvvəllər “RB Leypsiq”də oynayıb. Mediada yayılan məlumatlara görə, “Real Madrid” 26 yaşlı mərkəz müdafiəçisi ilə maraqlanır.
