Norveç millisi DÇ-2026 seçmə mərhələsində Estoniyanı 4:1 hesabı ilə məğlub edib.
İdman.Biz-in məlumatına görə, Norveç ötən ilin oktyabr ayından bəri bütün turnirlərdə məğlubiyyətə uğramır.
O vaxtdan bəri məşqçi Stale Solbakkenin komandası 10 oyunda qalib gəlib və bir heç-heçə edib. Bu müddət ərzində ümumi hesab 44-6-dır.
Norveç DÇ-2026 seçmə mərhələsinin I qrupunda yeddi oyundan 21 xalla liderlik edir. İtaliya onlardan 6 xal, İsrail isə 12 xal geridədir.
Norveç noyabrın 16-da İtaliya ilə qarşılaşacaq.
