“Liverpul” İngiltərə Premyer Liqasının doqquzuncu turunda “Brentford”a 3-2 hesabı ilə məğlub olub.
İdman.Biz bildirir ki, bu, “mersisaydlılar”ın hazırkı İngiltərə çempionatında ardıcıl dördüncü məğlubiyyətidir.
“Qırmızılar”ın bu mövsüm məğlubiyyət seriyası altıncı turda, Arne Slotun komandası “Kristal Palas”a 2-1 hesabı ilə məğlub olduqda başlayıb. “Çelsi” və “Mançester Yunayted”ə qarşı oyunlar da eyni cür başa çatıb və “Brentford”la matç bu seriyanı uzadıb.
Növbəti turda hazırkı İngiltərə çempionu “Aston Villa”nı qəbul edəcək.
“Liverpul” hazırda Premyer Liqanın turnir cədvəlində 15 xalla altıncı yerdədir.
