“Real Madrid” birbaşa olaraq Şimali, Mərkəzi Amerika və Karib Hövzəsi Futbol Konfederasiyasına (KONKAKAF) müraciət edib. Klub KONKAKAF-dan İspaniya Primerasının 17-ci turunun “Vilyarreal” – “Barselona” matçının öz ərazisində keçirilməsini qadağan etməyi xahiş edib.
İdman.Biz bu barədə “Cadena SER”ə istinadən xəbər verir.
Madrid klubu hesab edir ki, matçın İspaniyadan kənarda keçirilməsi rəqabətin dürüstlüyü prinsiplərini pozur.
“Real Madrid” daha əvvəl matçın keçirilməsinə mane olmaq üçün İspaniya Milli İdman Şurasına (CSD) ikinci dəfə şikayət etmişdi. Bürokratik çaşqınlıq səbəbindən ilk şikayətə iki aydır baxılır.
