"Real Madrid"in hücumçusu Endrik qış transfer pəncərəsində Fransanın "Marsel" klubuna keçə bilər.
Bu barədə İdman.Biz ESPN-ə istinadən xəbər verir.
Nəşrin məlumatına görə, 19 yaşlı braziliyalı vəziyyəti izləyən bir neçə klubda da maraq doğurur. Forvard “Real” üçün son matçını mayın 18-də “Sevilya”ya qarşı oynayıb. O zaman Madrid klubu baş məşqçisi Karlo Ançelottinin rəhbərliyi altında “Sevilya”ya 2:0 hesabı ilə məğlub olub. Oyunda Endrik bud nahiyəsindən zədə alıb və klublararası dünya çempionatını və cari mövsümün startını buraxıb.
Endrikin klubla hazırkı müqaviləsi 2030-cu ilin yayına kimi nəzərdə tutulub. Transfermarkt-ın məlumatına görə, onun bazar dəyəri 35 milyon avrodur.
