“Mançester Yunayted” gələn qış “Aston Villa”nın qapıçısı Emiliano Martinezin transferini yenidən nəzərdən keçirə bilər.
İdman.biz bu barədə “TEAMtalk”a istinadla xəbər verir.
Mənbənin sözlərinə görə, “qırmızı şeytanlar”ın argentinalı oyunçu ilə maraqlanmalarını yeniləmək qərarına ötən yay kluba qoşulan hazırkı qapıçı Senne Lammensin çıxışı böyük təsir göstərəcək.
Bu yay media “qırmızı şeytanlar”ın Martinezlə maraqlanması ilə bağlı fəal şəkildə xəbərlər yayıb.
Bu mövsüm argentinalı İngiltərə Premyer Liqasında 5 matçda meydana çıxıb və qapısından bir top belə keçməyə imkan verməyib.
Onun klubla hazırkı müqaviləsi 2029-cu ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 20 milyon avrodur.
