İtaliya A Seriyasında VI turda “İnter” və “Kremoneze” qarşılaşıblar.
İdman.biz bildirir ki, Milanda keçirilən oyunda meydan sahibləri 4:1 hesablı qələbə qazanıblar.
Hesabı altıncı dəqiqədə “İnter”in hücumçusu Lautaro Martines açıb. 38-ci dəqiqədə hücumçu Ange-Yoan Bonni meydan sahiblərinin üstünlüyünü artırıb.
55-ci dəqiqədə Dimarko hesabı 3:0-a çatdırıb. Yarımmüdafiəçi Nikolo Barella 57-ci dəqiqədə “İnter”in dördüncü qolunu vurub. 87-ci dəqiqədə “Kremoneze”nin hücumçusu Federiko Bonazzoli hesab arasındakı fərqi azaldıb.
“İnter” bu qələbə ilə xalını 12-yə çatdırıb və A Seriyasında birinci yerə yüksəlib. 6-cı turda hələ oynamamış “Milan”, “Napoli” və “Roma”nın da eyni qədər xalı var. Altı matçdan doqquz xal toplayan “Kremoneze” səkkizinci yerdədir.
