“Qələbə münasibətilə komanda üzvlərini, məşqçilər korpusunu, azarkeşləri, futbolsevərləri, hamını təbrik edirəm”.
İdman.biz xəbər verir ki, bunu qadın futbolçulardan ibarət Azərbaycan yığmasının baş məşqçisi Siyasət Əsgərov deyib.
Millətlər Liqasının V turunda Kiprə 1:0 hesabı ilə qalib gələn millimizin çalışdırıcısı vacib qələbə qazandıqlarını bildirib: “Tarixi bir gün idi. Hesabda irəli çıxdıq, daha sonra qol vurmaq imkanlarımız oldu, hətta penaltidən yararlana bilmədik. Bununla belə, vacib qələbə qazanmağı bacardıq. Qrupun son oyununda, dekabrın 5-də, “Dalğa Arena”da Farer adaları yığması ilə qarşılaşacağıq. Fürsətdən istifadə edib, bütün futbolsevərləri, azarkeşləri stadiona dəvət edirik. Gəlib qızlarımıza dəstək olsunlar”.
Qeyd edək ki, qrupda 1-ci pillədə yer alan Azərbaycan yığması B divizionunda çıxış etmək hüququ qazanıb.
İdman.biz
