Bu gecə UEFA Konfrans Liqasında finalçılar bəlli olacaq.
İdman.biz xəbər verir ki, "Çelsi" evdə İsveçin "Yurqorden" komandasını qəbul edəcək.
London klubu rəqib meydanında keçirilən ilk oyunda 4:1 hesabı ilə qalib gəldiyindən, finala çıxacağı şübhə doğurmur.
Digər yarımfinalda isə "Fiorentina" və "Betis" İtaliyada üz-üzə gələcəklər.
Rəqiblərin İspaniyada keçirilən ilk qarşılaşmasında 2:1 hesablı qələbə qazanan Sevilya klubu bu üstünlüyünü qorumağa çalışacaq.
UEFA Konfrans Liqası
Yarımfinal, cavab oyunları
8 may
23:00. "Çelsi" - "Yurqorden"
İlk oyun - 4:1
23:00. "Fiorentina" - "Betis"
İlk oyun - 1:2
Qeyd edək ki, UEFA Konfrans Liqasının finalı mayın 28-də Polşanın Vrotslav şəhərindəki "Wroclaw Stadium"da keçiriləcək.
İdman.biz
