Bu gün kişi voleybolçular arasında Azərbaycan çempionatında yarımfinalın ilk oyunlarına yekun vurulub.
İdman.biz xəbər verir ki, mərhələnin ikinci oyun günündə bir matç baş tutub.
“Murov Az Terminal” və “Neftçi”nin dueli 3 set davam edib. GİN-nin Voleybol Mərkəzində təşkil olunan qarşılaşmada “Murov Az Terminal” asan qələbə qazanıb - 3:0.
Qeyd edək ki, yarımfinal mərhələsinin ikinci oyunlarına sabah start veriləcək.
Kişilər, Yüksək Liqa
Yarımfinal, ilk oyun
16 aprel
15:00. “Murov Az Terminal” - “Neftçi” - 3:0 (27:25, 25:19, 25:18)
GİN-in Voleybol Mərkəzi
İdman.biz
