Azərbaycanın kişi voleybolçulardan ibarət “Xilasedici” komandası Çelenc Kubokunda 1/32 final mərhələsinin cavab görüşünə çıxıb.
İdman.Biz xəbər verir ki, Bakı təmsilçisi evdə Rumıniyanın “Styaua” klubu ilə qarşılaşıb.
Bakı təmsilçisi 3:1 hesablı qələbə qazanıb.
İlk matçı rəqib komanda 3:0 hesabı ilə üstün başa vurduğundan qalibi müəyyənləşdirmək üçün “qızıl set”ə ehtiyac duyulub. Həlledici seti 15:13 hesabı ilə xeyrinə başa vuran “Xilasedici” 1/16 finala yüksəlib.
Növbəti mərhələdə komandamızın rəqibi Belçikanın “Lindemans” klubu olacaq. İlk oyun 2026-cı il yanvar 7-də Belçikada keçiriləcək.
09:33
Bu gün Azərbaycanın kişi voleybolçulardan ibarət “Xilasedici” komandası Çelenc Kubokunda 1/32 final mərhələsinin cavab görüşünə çıxacaq.
İdman.Biz xəbər verir ki, Bakı təmsilçisi evdə Rumıniyanın “Styaua” klubu ilə qarşılaşacaq.
Görüş saat 18:00-da FHN-in idman zalında start götürəcək.
Qeyd edək ki, komandalar arasında baş tutan ilk görüşdə “Xilasedici” rəqibinə 0:3 hesabı ilə uduzub.
