Azərbaycan taekvondoçuları Almaniyanın Reyn-Rur bölgəsində keçirilən Ümumdünya Universiadasında mübarizəni davam etdirir.
İdman.biz-in Almaniyaya ezam olunmuş əməkdaşı xəbər verir ki, bu gün dayanqa millimizin 3 idmançısı çıxıb və yarışla medalsız vidalaşıblar.
Nicat İsmayılzadə (74 kq) Elia Porşaya (Almaniya) qalib gəlsə də, 1/8 finalda Yi Jui Çiuyə (Çin Taypeyi) uduzub.
Nərgiz Kazımova (62 kq) startda Elza Sekanelə (İspaniya) məğlub olub.
Həmidrza Bədriəliabadi (+87 kq) ilk görüşündə Brayan Çoini (ABŞ) mübarizədən kənarlaşdırıb. Lakin o, 1/4 finalda özbəkistanlı Marat Mavlonovla bacarmayıb.
Zəki Feyzullayev
İdman.biz
