"Bizim üçün uğursuz bir nəticə oldu".
İdman.biz xəbər verir ki, bunu "Şamaxı"nın baş məşqçisi Ayxan Abbasov deyib.
Gənc mütəxəssis Azərbaycan Premyer Liqasının II turunda "Araz-Naxçıvan"a 0:1 hesablı məğlubiyyəti şərh edib. "Hesabı bərabərləşdirmək üçün imkanlarımız olsa da, istifadə edə bilmədik. İndi çempionatın əvvəlidir, oyundan-oyuna daha da yaxşı olacağıq. Top buraxdıqdan sonra komandamın verdiyi reaksiyadan razı qaldım. Bəzi futbolçular bizim çempionat üçün hələ yenidir. Mən qarşımıza qoyulan məqsədə çatacağımıza əminəm. Komandama tam olaraq inanıram".
Qeyd edək ki, "Şamaxı" 2 turdan sonra 1 xal toplayıb.
İdman.biz
