Parisdə Pekin-2022 Qış Olimpiya Oyunlarının fiqurlu konkisürmədə komanda yarışının qalibləri mükafatlandırılıb.
İdman.biz xəbər verir, ABŞ-a qızıl, Yaponiyaya isə gümüş medal təqdim olunub.
İki il əvvəl baş tutan "Ağ Olimpiada"da Rusiya 1-ci, ABŞ və Yaponiya komandaları isə növbəti yeri tutublar. Amma rusiyalı fiqurlu konkisürən Kamilla Vəliyevanın diskvalifikasiya olunmasından sonra BOK onun nəticələrini ləğv edib. Yekunda Rusiya 3-cü pilləyə enib. Amma təşkilatçılar BOK-un yarışlarından kənarlaşdırılan rusları mükafatlandırma mərasiminə dəvət etməyiblər.
Qeyd edək ki, Rusiyanın 5 konkisürəni mərasimin keçirilməsi ilə bağlı etiraz məktubu ünvanlasa da, onların cəhdi uğursuz olub.
İdman.biz
