Paris-2024 Yay Olimpiya Oyunlarında üzgüçülük yarışları davam edir.
İdman.biz xəbər verir ki, bu gün Azərbaycan üzgüçüsü Məryəm Şeyxəlizadəxangah mübarizəyə qoşulub.
50 m məsafəyə sərbəst üsulla üzmə yarışında çıxış edən idmançımız 6-cı qrupda yer alıb. 5-ci zolaqda üzən Məryəm finişə 3-cü çatıb. O, məsafəni 27,76 saniyəyə qət edib.
İdmançımızın 79 iştirakçı arasında yekun mövqeyi bütün qruplar çıxış etdikdən sonra bilinəcək. 16 yaxşı nəticəyə malik üzgüçü yarımfinala adlayacaq.
Qeyd edək ki, yarımfinal bu gün, final mərhələsi avqustun 4-də keçiriləcək.
İdman.biz
